Saturday 5 March 2016
ازاي تعملي تان لايدك والوان المناكير المناسبه ليكي
ازاي تخلي ايدك اصغر وارفع واحلى باستخدام المانيكير بس!
في بنات كتير مننا لما بنحط المانيكير بنبقى مش راضيين عنه على ايدينا بالرغم اننا بنكون احنا اللي مختارين اللون ومتوقعين انه هيبقى حلو على ايدينا لكن لما بنحطة بنلاقي نتيجة غير مرضية بالنسبة لنا وشكله بيطلع مش حلو على الايد ومش بنكون عارفين السبب, لكن السبب في ده ان مش كل الوان المانيكير ممكن تليق على اي ايد يعني الالوان اللي تليق على البشرة البيضا غير السمرا ومش بس كده انتي كمان بالالوان تقدري تتحكمي في شكل ايدك وضوافرك في الوان ممكن تبين ايدك شكلها اصغر او ارفع او تديكي لون مختلف عن لون بشرتك الاصلي فلما بنختار لون غلط بتطلع النتيجة مش حلوة, عشان كده احنا النهاردة هنقول لكل بنات حوا اسرار المانيكير وازاي تختاري الوان المانيكير اللي تخليكي تتحكمي في شكل ايدك وضوافرك وايدك تظهر بشكل حلو وتكوني راضية عنه.
1- الوان المانيكير اللي تخلي شكل ايدك اصغر:
عشان تخلي ايدك تبان بشكل اصغر ابعدي عن الالوان الفاقعة اوي او النيون اختاري الالوان الهادية اكتر.
بالنسبة للبشرة البيضا: انسب الالوان ليها عشان تبان اصغر هي الالوان الوردي.
البشرة المتوسطة: اللون البرتقاني المرجاني اللي هو بيكون مايل للاحمر شوية هو انسب لون ليها.
البشرة السمرا: انسب لون ليها اللون البرتقاني الصريح.
البشرة السمرا الداكنة: اللون الاخضر النعناعي اللي بيكون لون ورق النعناع, واللون الازرق.
الوان المانيكير اللي تبين شكل ايدك اصغر
الوان المانيكير اللي تبين شكل ايدك اصغر
2- الوان المانيكير اللي تدي لون تان لبشرتك:
لو عايزة لون بشرتك تظهر كانها معمولها تان او بلون برونزي اختاري الوان الباستيل, و الاصفر, والبرتقاني, والاخضر.
بالنسبة للبشرة البيضا: اختاري اللون الاخضر ده انسب لون ليكي ممكن يدي لون بشرتك لون برونزي.
البشرة المتوسطة: انسب الوان هي الوردي المرجاني اللي بيكون مايل على الموف شوية, واللون السيمون.
البشرة السمرا: بردوا اللون الاورانج هو الانسب ليها.
البشرة السمرا الداكنة: انسب لون ليها هو اللون الاصفر الليموني.
الوان المانيكير اللي تدي لون برونزي لبشرتك
الوان المانيكير اللي تدي لون برونزي لبشرتك
3- الوان المانيكير اللي تخلي ضوافرك اكبر او اعرض:
الالوان اللي ممكن تخلي ضوافرك تبان بشكل اكبر هي الالوان الفاتحة من اول الابيض لحد الالوان الباستيل.
للبشرة البيضا: انسب الوان ليها هي درجات الوردي.
البشرة المتوسطة: انسب الوان ليها هي الاوف وايت مع تاتش رمادي وازرق, واللون الابيض.
البشرة السمرا: اللون البيج هو افضل لون للبشرة السمرا.
البشرة السمرا الداكنة: انسب لون ليها هو اللون البينك النيود.
الوان المانيكير اللي تبين ضوافرك اكبر
الوان المانيكير اللي تبين ضوافرك اكبر
4- الوان المانيكير اللي تخلي ضوافرك اصغر:
دي بقى عكس اللي فوق لو انتي ضوافرك اصلا عريضة وعايزة تبينيها اصغر يبقى في الحالة دي هتعتمدي على الالوان الغامقة لانها هتبين الضوافر بحجم اصغر.
للبشرة البيضا: انسب لون ليها هو الازرق الغامق.
البشرة المتوسطة: اللون الرمادي الغامق هو انسب لون.
البشرة السمرا: انسب لون هو اللون الاحمر الغامق المايل للنبيتي.
البشرة السمرا الداكنة: من انسب الالوان ليها هو اللون الاخضر الغامق.
الوان تبين ضوافرك اصغر
الوان تبين ضوافرك اصغر
5- الوان المانيكير اللي تخلي ايدك تبان ارفع:
لو عايزة ايدك تبان بشكل ارفع ايه الالوان اللي هنستخدمها؟
بالنسبة للبشرة البيضا: انسب لون هو اللون البينك الفاتح اوي.
البشرة المتوسطة: اختاري اللون النيود اللي هو بيكون لون البشرة.
البشرة السمرا: انسب لون ليها اللون الوردي المايل للبيج.
البشرة السمرا الداكنة: اللون التوفي او البيج.
الوان تبين ايدك ارفع
Wednesday 2 March 2016
تلوين الشفايف درجات بالخطوات جديد !
تلوين الشفايف درجات او اللي بيتسمى اومبري هي طريقة تلوين الشفايف بلونين روج او اكتر ودمجهم مع بعض والطريقة دي طالعة موضة بقالها فترة والطريقة دي مش بس للشفايف كمان للشعر انتشرت موضة صبغة الشعر الاومبري اللي هي بتصبغي شعرك بلونين بيكون نص الشعر من فوق غامق ومن تحت فاتح بس النهاردة احنا موضوعنا عن الشفايف الاومبري هنقولكم ازاي تلونوا شفايفكم درجات بالخطوات.
– ياللا نعرف طريقة تلوين الشفايف درجات خطوة بخطوة:
1- الخطوة الاولى:
اول خطوة وتعتبر هي اهم خطوة وهي اختيار الالوان اللي تمشي مع بعضها ويكون في تناغم وتناسق بينهم لان لو اختارنا الوان غلط هيطلع الشكل مش حلو ومش زي ما احنا عايزينه اول لون هيكون لون الروج الاساسي اي لون هتختاريه واللون التاني اختياره هيكون على اساس اللون الاساسي لازم يكون افتح من اللون الاساسي بدرجة او اغمق منه بدرجة واحدة بس عشان يطلع التدريج معاكي مظبوط يعني مثلا لو هتحطي لون الروج الاساسي احمر يبقى تستخدمي معاه لون بني غامق او ممكن الاحمر مع الوردي, ولو لون الروج الاساسي بلون وردي ممكن تعملي معاه درجات الوان باللون البرتقاني او البني.
2- الخطوة التانية:
الخطوة التانية هي اسلوب التلوين وازاي تدمجي اللونين مع بعض في اكتر من طريقة ممكن نعمل بيه التدريج.
– الطريقة الاولى: ممكن نخلي شفة باللون الغامق والشفة التانية باللون الافتح ونمزج الشفتين مع بعض في الجزء الداخلي بس من الشفة بحيث يكون اللي فوق غامقة واللي تحت على حدود الشفايف باللون الفاتح والشفايف من جوه باللون الاغمق.
– الطريقة التانية: اللي ممكن ندرج بيها الشفايف نحط اللون الغامق بخط تخين على حدود الشفايف والجزء الداخلي من الشفايف نحط عليه لون فاتح.
– الطريقة التالتة: هي عكس الطريقة اللي فاتت باننا هنحط اللون الفاتح على حدود الشفايف من بره واللون الاغمق هو اللي في الجزء الداخلي من الشفايف, والطريقة دي بتكون احلى مع الالوان الفاتحة يعني زي الودري مثلا ومعاه لون نيود هتحطي اللون النيود على حدود الشفايف واللون الوردي هو اللي يبقى في الجزء الداخلي.
– الطريقة الرابعة: الطريقة دي بقى جريئة شوية لان فيها الوان جريئة هنعمل التدريج باللون الاحمر الغامق مع الاسود او البني هتحطي اللون الاسود على زاوية الشفايف الداخلية على الشفايف اللي فوق واللي تحت وعلى الحدود الخارجية للشفة اللي تحت بس وبعد كده هتحطي اللون الاحمر على الجزء الداخلي من الشفة اللي تحت وعلى الشفة اللي فوق, وممكن تتعمل بالوان فاتحة بس الالوان الغامقة في الطريقة دي بتكون احلى.
الطريقة الخامسة: اسلوب التدريج علي الشفايف من اليمين للشمال, بمعني كأننا هنقسم الشفايف نصين بالطول, نص فيهم غامق ونص فاتح.
– في بقى طرق ممكن تستخدمي فيها اكتر من لونين مع بعض بس يفضل انك تستخدمي اكتر من لونين لما تكوني اتمكنتي من رسم التدريج وعرفتي كويس ايه الالوان اللي ممكن تمشي مع بعض وتطلع حلوة يعني ابدأي الاول بالتدريج بلونين بس ولما تتمكني منه كويس ممكن تجربي تدخلي اكتر من لونين مع بعض.
Tuesday 1 March 2016
قدم العطاء ولاتنتظر المقابل
قدم العطاء ولا تنتظر المقابل
فيديو تحفيزى لمعلم يشجع ابنائه الطلبة على الاجتهاد فى الدراسة
والتفوق للحصول على جائزة وهى حذاء رياضى لماركة عالمية
ونظرا لان كل الطلبة متفوقه بالفعل طلب من كل طالب بان يكتب اسمه
لتيقوم بالقرعة
وكانت المفاجئة
قم العطاء دون كسر القلوب..
Subscribe to:
Posts (Atom)