نقط الساقيين والشعر اللى تحت الجلد
****************
مشكله بجد تاعبه بنات كتير اووى نفسيا
ا
بصوا على الصور كده ده بيبقى شكلها
اسمها العلمى التقرن الجريبي الشعري ( Keratosis pilaris )
وبالعاميه بنقول عليه chicken skin جلد الفرخه او البطه
ده بيكون
عباره ان الجسم كون بروتين (كرياتين ) بزياده على الجلد
فاللى بيحصل ان الكرياتين ده بيتراكم حوالين بصيلات الشعر
فبتتحبس ومتخرجش بره الجلد
وبتلاقى ده بقا بيظهر على شكل حبوب خشنه اووى وشكلها كدة
ساعات حمرا وساعات ملتهبه وساعات لونها بيبقى بنى فاتح وده
بيختلف من بنت للتانيه ومع الحمل او بعد الولاده
بتزيد المشكله دى
**************
طيب اسبابها ايه اصلا انا اقولكواا
اول حاجه مش بتشربى مايه كفايه
تانى حاجه نقص فيتامين أ و فيتامين C
تالت حاجه قله الترطيب فبتالى الجلد بيجف اكتر
طب الحل ايه
من الاخر كده هقولكوا عشان انتوا عارفين انا بحب الحلول الجذريه
مش الخلطات والجو ده
اول حاجه لو عندك المشكله دى وشعر تحت الجلد بلاش ارجوكى
سويت او واكس او براون
خليكى فى الشفينج بجد هينعم جداا ويحسن الحوار ده
لان اى ازاله من الجذور بتزود المشكله دى
***************
احســـــــــن مواد بتقضى على المشكله دى بقا
حمض اللاكتيك - الترتينوين - يوريا - حمض الساليسيليك - الفا
هيدروكسي - ريتينول
طب نبتدى كده واحده واحده
اول حاجه تشربى مايه كتيرر
ولوعندك نقص فى فيتامين أ ممكن تاخذي بيتا كاروتين ولو مش
لاقتيه
فى البديل انك تعوضى النقص ده بالاكل اللى فه الفيتامين ده زى
( الجزر والبطاطا والبروكلــى واللفت والسبانخ والخص والكرنب )
تانى حاجه لازم تقشير
عشان نشيل سطح الجلد عشان نحسن ملمسه وكمان نطلع
الشعر اللى تحت الجلد
فى نوعيـــن من التقشير هنعملهم
اول حاجه تقشير بسنفره زى ملح الحليب او اى منتج عندك
وده يتعمل يوم اه ويو لا
بفرشه زى دى كده ولو مش عندك هاتى واحده ولو مفيش هاتى
ليفه خشنه
وتدعكى فى كل المناطق اللى عندك فيها المشكله دى
تبلى جسمك شويه مايه وبالفرشاه والسنفره بتاعتك ايا كانت
وكمان تعملى اسكراب ده مرتين بالاسبوع
( سكر +زيت (مش شرط نوع معين ) + نقط ليمون زى الصوره كده
وفى اسكراب تانى كويس كمان
قهوه + سكر + شويه لبن او مايه
يعنى مثلا يوم الاتنين تعملى سكر وزيت وليمون
ويوم الخميس تعملى قهوه والسكر واللبن او المايه
او اليومين نفس الاسكراب مفيش مشكله بس اهم حاجه انك
تعملى وخلاص
بجد هتحسى قدايه جسمك بقا نااعم
ده غير ان الاسكرب بتاع القهوه ده مفييييد جداا للى عندهم
سليوليت
بعد السنفره لاااااااااازم ترطيب وياريت ياريت
بمرطب زى
لوشن جرجنز لانه فيه aha اللى هيا احماض الفواكه المقشره اللى
هتغير الجلد وتقشيره خفيف
ودى صورته
أو
كريمات تكون فيها الالفا هيدروكسي بنسب معينه
واى كريم من دول طبعا بنستعملها لمده شهرين وبعدين مرتين بس
بالاسبوع
بتحطى على المناطق دى بليل وتغسليها الصبح وطبعا متتعرضيش
لشمس ولا ضوء
عشان كده بقولكوا خليها بالليل احسن وكمان ممنوع التقشير او
السنفره او الحمام المغربى طول الشهرين دول
الكريمات دى زى
glycolix elite 15% body lotion (جلايكولكس بدي لوشن )
ده هاااايل بعد 10 ايام هتشوفى ازاى هيقشر ويوحد اللون
او
Rexol-AHA وده فى منه تركيزات مختلفه 5-10-15-20 % احماض ا
لفواكه
أو
neostrata lotion plus مكتوب عليه aha 15
او
مقشر كالميوريد ( Calmurid )
وده طبعا كريم للبشره الجافه اووى معرووف
هو فيه10 % يوريا و 5% حمض اللاكتيك
بس بيرطب الجلد جدااا و
يقشر بنفس الوقت بطريقه لطيفه وفعاله فعلاا
وده ميستعملش ابداا على مكان الجروح او الملتهبه
وبشيل الشعر اللى تحت الجلد بطريقه هاايله
او
ايزيس فارما للبشره المتحرشفه
بجد هااااااااااااااايل بينعم اووى وبيطلع الشعر من تحت الجلد
او الليزر بقا
وده خليته اخر حااجه عشان سعره غاالى جدااا فمش نافع ل
بنات
كتير
بس هو بيحل المشكله بنسبه 80%
هو بيضعف الشعر اه وبيطلع خفيف بس اللى بيطلع معظمه بيطلع
تحت الجلد
يعنى ممكن تعملى الليزر كخطوه اوولى بس معاه هتمشى على
اسكراب السنفره باستمرار
والترطيب دايما عشان الشعر يطلع كويس
No comments:
Post a Comment